«Ժողովուրդը մնացել է ժողովրդի դաշնակից»,- մարտի 30-ին, ամփոփելով նախընտրական քարոզարշավը, ասաց Հայաստանի կոմունիստական կուսակցության ղեկավար Տաճատ Սարգսյանը:
Նրա խոսքերով՝ հանրապետությունում շարունակվում է կոռուպցիան, մենաշնորհը, եւ այդ ամենը հաշվի առնելով՝ Կոմունիստական կուսակցությունը ծրագիր է ներկայացրել. «Այսպես այլեւս շարունակել չի՛ կարելի, հարկավոր է հանրապետությունում զարկ տալ տնտեսությանը, արդյունաբերությանը: Մինչեւ չթողարկենք արտադրանք, մինչեւ այդ արտադրանքը չարտահանենք՝ 1-ը դարձնենք 2, 2-ը՝ 3, չենք կարող սոցիալական վիճակը շտկել հանրապետությունում»:
Տաճատ Սարգսյանը նշեց, որ նոր Ընտրական օրենսգիրքը համեմատաբար հնարավորություն է տալիս ընտրությունները արդար անցկացնել. «Մենք սպասում ենք, որ ժողովուրդը իրենց ձայնը կտա կոմունիստական կուսակցությանը՝ նկատի ունենալով, որ գործ ունի 114-ամյա կուսակցության հետ, որն անցնելով բազում ժամանակներում եւ ունենալով տարբեր դերակատարություններ, իր օգտակար դերն ապացուցել է նախկինում: Այդ իսկ պատճառով՝ մենք այն կարծիքին ենք, որ այո՛, մենք շատ ազատ կանցնենք Ազգային ժողով»:
Կարդացեք նաև
Ամի ՉԻՉԱԿՅԱՆ
