Ամերիկացի երաժիշտ և գրող Բոբ Դիլանը համաձայնել է ընդունել գրականության բնագավառում ստացած Նոբելյան մրցանակը: Այս մասին հաղորդում է BBC-ն՝ վկայակոչելով Շվեդիայի ակադեմիային:
75-ամյա Դիլանը Նոբելյան մրցանակի էր արժանացել 2016թ. հոկտեմբերին, սակայն մինչև հիմա չի ստացել այն: Նա նաև հանդես չի եկել նոբելյան դասախոսությամբ, որը անհրաժեշտ է 910 հազար դոլար մրցանակը ստանալու համար:
Ակադեմիայի ներկայացուցիչները Դիլանի հետ կհանդիպեն Ստոկհոլմում, որտեղ նա հանդես է գալու համերգներով: Տեղեկատվության համաձայն՝ դափնեկիրը դասախոսություն չի կարդա: Ակնկալվում է, որ նա կուղարկի դասախոսության ձայնագրությունը:
