«Հայք» կենտրոնում այսօր լրագրողների հետ հանդիպմանը Aravot.am-ն «Օհանյան-Րաֆֆի-Օսկանյան» դաշինքի ներկայացուցիչ, ԳԽ նախկին պատգամավոր Ազատ Արշակյանին խնդրեց մեկնաբանել առաջին նախագահ Լեւոն Տեր-Պետրոսյանի երեկվա հարցազրույցում հնչած միտքը, թե Վարդան Օսկանյանն իրեն համարել է «Մադրիդյան սկզբունքների» հայրը, սակայն այսօր Արցախի հարցով ծրագրային լուծում չունի:
Ազատ Արշակյանն ասաց, որ Տեր-Պետրոսյանի հարցազրույցը չի դիտել, բայց նշյալ մտքի առնչությամբ նշեց. «Վարդան Օսկանյանն ասում է՝ հասել ենք նրան, որ պահանջում ենք, որ Արցախի ինքնորոշումը ճանաչվի: «Մադրիդյան բանաձեւերին» Վարդան Օսկանյանը չի ասում, թե չի մասնակցել, բայց նա երեկ հայտարարեց, որ հող չենք ուզում հանձնել: Մեր նպատակն է՝ հող չհանձնելը»:
Մեր դիտարկմանը, Վարդան Օսկանյանը «հայրն» է այն «Մադրիդյան սկզբունքների», որոնցում ամրագրված է տարածքային փոխզիջումը, իսկ հիմա էլ ասում է, որ կողմ չէ փոխզիջումներին, Ազատ Արշակյանն այսպես արձագանքեց. «Հիմա պարոն Օսկանյանն ասում է, որ դա արդեն հնացած է»:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
