Արեւելյան բժշկության մեջ հիվանդի ներքին օրգանների խնդիրները հիմնականում պարզում են արտաքին տեսքից` սկսած մաշկային խնդիրներից, կնճիռների քանակից, եղունգների ձեւից եւ գույնից:
Եղունգների ընդհանուր ձեւերի, ուրվագծերի փոփոխությունները շատ բան կարող են թելադրել մասնագետներին՝ մարդու առողջական վիճակի մասին:
Առողջ մարդու եղունգները հարթ վարդագույն են:
Լյարդի ախտաբանական երեւույթներով հիվանդ մարդու եղունգները դեղնավուն են:
Գերկարմրածության դեպքում, երբ արյան կարմիր գնդիկները նորմայից բարձր են, ունենում են պայծառ կարմրավուն գույն:
Սրտի արատով ծնվածների եղունգների գույնը կապտա-մանուշակագույն է:
Կենտրոնական նյարդային համակարգի գործունեության խանգարման դեպքում եղունգների վրա պատկերվում են սպիտակ բծեր:
Ուղեղի մի քանի տեսակի գործունեության խանգարումների հատկանիշը նշանակում է այն, որ եղունգների վրա առաջ են գալիս դեղնավուն բծեր:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
28,03.2017
