Սիսիանում այսօր բնակիչների հետ հանդիպման ժամանակ «Կոնգրես-ՀԺԿ» դաշինքի պատգամավորի թեկնածու, ՀԱԿ փոխնախագահ Արամ Մանուկյանն անդրադարձավ հարյուրից ավելի դպրոցների եւ մանկապարտեզների տնօրենների ձայնագրություններին, որոնք փաստում են ՀՀԿ-ի օգտին ձայներ հավաքելու մասին:
«Մեր ուսուցիչը դարձել է ՀՀԿ-ի ստրուկը: Ախր վիճակն է այդպիսին: Եթե այդ խեղճ ուսուցիչը չգնա այդ քայլին, կզրկվի այդ 70 հազար դրամից: Մեղադրե՞նք նրանց…մեղքս գալիս է: Նրանք իշխանության պատճառով են հասել այդ վիճակին»,-ասաց Արամ Մանուկյանը:
Նրա խոսքով՝ երեկ Գյումրիում ՀՀԿ-ականները մարդկանց ստիպելով բերել են Կարեն Կարապետյանի հետ հանդիպմանը՝ տպավորություն ստեղծելու, թե ժողովուրդն ուրախ-զվարթ հավաքվել է ՀՀԿ-ի կողքին: «Մեր երկրի ղեկավարները լավագույն դերասաններն են, սերիալները գլուխները քարով են տվել»,-նկատեց Արամ Մանուկյանը:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
