Սիսիանում այսօր «Կոնգրես-ՀԺԿ» դաշինքի նախընտրական հավաքի ժամանակ դաշինքի պատգամավորի թեկնածու, ՀԱԿ փոխնախագահ Արամ Մանուկյանը սիսիանցիներին բացատրեց, թե ինչ է իրենից ներկայացնում դաշինքի «խաղաղության ծրագիրը», որը ներկայացվում է նախընտրական քարոզչության ընթացքում:
Հիշեցնենք, որ դաշինքը կողմ է Արցախյան հակամարտության լուծման փոխզիջումային տարբերակին՝ «Մադրիդյան սկզբունքներին», որի կետերից մեկը ենթադրում է որոշակի տարածքների վերադարձ՝ Արցախի միջանկյալ կարգավիճակի դիմաց:
«Համաձայնվում ես, նախաձեռնությունը քոնն է լինում, իսկ Ադրբեջանը մնում է մենակ: Ալիեւն այլեւս իր պոռոտախոսությամբ չի կարող վախեցնել: Հակառակը՝ Ադրբեջանը ստիպված է լինելու գնալ խաղաղության: Միջազգային զորքերը կանգնելու են Ադրբեջանի տարածքում, ստեղծվելու է ապառազմականացված գոտի՝ Արցախի եւ Ադրբեջանի միջեւ: Ադրբեջանը ստորագրում է մի փաստաթուղթ, որի համաձայն՝ Արցախը դուրս է գալիս նրա տարածքային ամբողջականությունից: Սահմանները բացվում են… Լաչինով Արցախը «կպնում է» ՀՀ-ին, ստանում միջանկյալ կարգավիճակ: Եթե Ադրբեջանը փորձում է մի փամփուշտ կրակել, ապա կրակում է եռանախագահների՝ միջազգային զորքերի վրա»,-մանրամասնեց Արամ Մանուկյանը:
Կարդացեք նաև
Ըստ նրա՝ միայն այսպես՝ Ադրբեջանին խաղաղության պայմանագիր ստորագրել պարտադրելով եւ պատերազմի դադարեցման դեպքում ՀՀ-ն կարող է զարգացման հնարավորություն ստանալ:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
