«Կարծում եմ՝ բոլորը գիտեն, որ ընդհանրապես բանակցությունների սեղանին կան պլաններ, ինչը նշանակում է, որ ժամանակն է բանակցելու»,- մարտի 27-ին լրագրողների հետ հանդիպման ընթացքում ասաց ԵԱՀԿ Մինսկ խմբի համանախագահ Ռիչարդ Հոգլանդը:
Նա նշեց, որ ամենակարեւորը երկրի կողմերի առաջնորդները քաղաքական կամք ցուցաբերեն. «Դա իսկապես առաջնորդների եւ իրնեց մարդկանց գործն է՝ ինչպես ապագայում ունենան խաղաղություն եւ բարգավաճում: Ես գիտեմ՝ դա պարզ է հնչում, բայց այդպես չէ: Բայց մեր պլանը կարող է քննարկվել եւ ժամանակն է վերադառնալ բանակցությունների սեղան՝ դրանք քննարկելու համար»:
Ռիչարդ Հոգլանդը վստահեցրեց, որ ԵԱՀԿ Մինսկի խումբը գիտի, թե իրականում ինչ է կատարվում. «Բայց քանի որ մենք միջազգային միջնորդներ ենք, մենք պետք է հեռավորություն պահպանենք՝ կողմերից մեկին չափից շատ չվիրավորելու համար: Որովհեւտեւ, երբ դա պատահում է քննարկումների եւ միջնորդության հավանականությունը փակվում է, եւ մենք չենք կարող թողնել, որ այդ դռները փակվեն, մենք պետք է դռները բաց թողնենք: Մենք միշտ կնշենք, երբ ուշադրություն հրավիրելու խնդիր կլինի: Մենք պետք է մի փոքր ուշադիր լինենք, թե հրապարակայնորեն ինչ ենք ասում՝ չնայած այն հանգամանքին, որ գիտենք՝ փակ դռներից այն կողմ ինչ է կատարվում»:
Համանախագահը շեշտեց, որ բանակցությունները վերսկսելու ժամանակն է. «Մենք չենք կարող թույլ տալ, որ բռնությունը այս չլուծված խնդրի լուծումը լինի: Բռնությունը պատասխան չէ, այն քանդում է ընտանիքներ, վնասում է տնտեսություններին: Եվ մեր աշխատանքն է գտնել ամենադրական լուծումը»:
Կարդացեք նաև
Ամի ՉԻՉԱԿՅԱՆ
