Մոսկվայի Տվերի դատարանը ընդդիմադիր գործիչ Ալեքսեյ Նավալնիին 15 օրով կալանավորելու որոշում է կայացրել: Դատարանը նրան մեղավոր է ճանաչել մարտի 26-ին Մոսկվայում չարտոնված ցույցի ժամանակ ոստիկանության հրահանգներին չենթարկվելու համար:
Ավելի վաղ դատարանը Նավալնիին տուգանել էր 20 հազար ռուբլիով՝ Մոսկվայի կենտրոնում չարտոնված ցույց կազմակերպելու մեղադրանքով:
Ավելի վաղ հաղորդել էինք այն մասին, որ քաղաքական գործչի հանդեպ հարուցվել էր երկու վարչական արձանագրություն՝ 20.2.2 (հասարակական վայրերում քաղաքացիների տեղաշարժի կազմակերպում և զանգվածային կուտակման կազմակերպում, որոնք հանգեցրել են հասարակական կարգի խախտմանը) և 19.3 (ոստիկանության աշխատակցի օրինական հրահանգների չկատարում ) հոդվածներով:
