ՕՐՕ-ն ցույց է տալու՝ ինչպես կարելի է կարճ ժամկետում մեր երկիրը կարգի հրավիրել: Այսօր Նոր Նորքի բնակիչների հետ հանդիպման ժամանակ ասաց ՕՐՕ դաշինքի պատգամավորի թեկնածու Րաֆֆի Հովհաննիսյանը:
Ըստ նրա, կարգի է բերվելու ներքին կառավարման ոլորտը, նաեւ խոստանում են՝ մարդու իրավունքների ապահովում, աշխատատեղեր, ազատություն, արդարություն, հանգիստ թոշակ, բարձր աշխատավարձեր, հրաշալի հեռանկար երիտասարդների համար:
Պարոն Հովհաննիսյանի խոսքով, իրենց ծրագրում նաեւ համայնքների համաչափ զարգացումն են ներառել. «Ողջ մայրաքաղաքը դարձնում ենք տնտեսության, մշակույթի ու վերելքի մայրաքաղաք, ոչ մի տարբերություն Մասիվի ու Կենտրոնի միջեւ, Հայաստանում չեն լինելու հետապնդումներ, ճնշումներ»:
Րաֆֆի Հովհաննիսյանի խոսքով, իշխանությունները բժիշկներին, մանկավարժներին մեղսակցության են բերում, եւ միայն դա բավարար է, որ ՀՀԿ-ին օրենքից դուրս ճանաչեն, եւ այս ընտրությունը կատարեն առանց իրենց. «Մենք պետք է ունենանք ամբողջական Արցախ, արդարություն, որը կսկսի հենց Մասիվից, ոչ մի աղքատություն ու ոչ մի արտագաղթ: Մեր պարտականությունն է կոտրել աթոռի ու փողի սպառնալիքը, ցույց տալ, որ մենք ստրուկ չենք մեր երկրում»:
Կարդացեք նաև
Եթե ՕՐՕ-ն խորհրդարանական ընտրություններին հաղթի, ապա ըստ պարոն Հովհաննիսյանի, վերջ կդրվի պաշտոնի միջոցով հարստանալուն. «ժողովուրդը պետք է հարստանա, արտագաղթը պետք է անցյալի գիրկն ուղարկենք»:
Արփինե ՍԻՄՈՆՅԱՆ
