ՀՅԴ-ի նախընտրական քարոզարշավի ակտիվ մասնակիցները դպրոցական երեխաներ են, երբեմն նաեւ մանկապարտեզի երեխաներ: Քարոզչական պաստառներն ու դրոշները ձեռքներին՝ երեխաները վանկարկում են տվյալ ընտրատարածքում առաջադրված թեկնածուի անունը: Երեխաները քարոզարշավի ընթացքում մի տեսակ «շախ տվողի» դեր են կատարում:
Կրթության փորձագետ Անահիտ Բախշյանը Aravot.am-ի հետ զրույցում ասաց, որ կուսակցական քարոզչությունն արգելվում է դպրոցներում, ու թեեւ օրենքով չկա այդպիսի կետ, որ երեխաներին չի կարելի տանել որեւէ տեղ, բայց. «Օրենքի տրամաբանությունը, եթե քարոզչությունն արգելվում է, նաեւ ենթադրում է, որ երեխաների մասնակցությունը որեւէ քարոզչական գործընթացի չի կարող լինել, դա հակամանկավարժական է, երեխաներին տանում են, որ ի՞նչ լինի, երեխաների մասնակցությունը քաղաքական արշավին որքանո՞վ է ճիշտ»:
Արփինե ՍԻՄՈՆՅԱՆ
