Չենք քննարկում Լեւոն Տեր-Պետրոսյանի հարցազրույցի բովանդակությունը։ Կարելի է համաձայնել կամ՝ չհամաձայնել նրա մոտեցումներին, բայց որ մարդուն վերագրում են գերբնական հատկանիշներ, չգիտես էլ, թե ինչ ասես։ Չի կարող Լեւոն Տեր-Պետրոսյանը լուծել Ղարաբաղի հարցը, քանի որ չունի դրա համար անհրաժեշտ լծակներ, լիազորություններ։ Նա կարող է խորհուրդներ տալ, տեսակետ հայտնել, օգնել՝ իր հնարավորությունների սահմաններում, հուշել, բայց լուծողը կամ՝ չլուծողը Սերժ Սարգսյանն է։ Կամ՝ այս նոր սահմանադրությամբ, իբր խորհրդարանը։
Որ ասում են՝ Տեր-Պետրոսյանը հողերը հանձնում է։ Պետք է հարցնել՝ ինչպե՞ս է հանձնում, ի՞նչ մեխանիզմով, եթե իշխանություն չունի։ Եթե այս հարցադրումներին հիմնավոր, փաստարկված պատասխան լինի, ապա դա մեզ շատ կուրախացնի, որովհետեւ եթե հնարավոր է առանց իշխանություն ունենալու հողեր հանձնել, ապա նույն կերպ էլ հնարավոր է առանց իշխանության հողեր գրավել։
Այդ նույն սկզբունքով՝ առանց Սերժ Սարգսյանին բանի տեղ դնելու, առանց հաշվի առնելու որեւէ իշխանություն, գնանք Բաքու հասնենք, մեր սուրը փառքով պատյանը դնենք, վերադառնանք։
Մհեր ՂԱԼԵՉՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
