Մարտի 23-ին Գագիկ Ծառուկյանն Իջեւանում ելույթ ունենալով՝ հայտարարեց, որ խորհրդային խնայբանկում եղած ավանդների գումարները պետք է ամբողջությամբ վճարվեն: Նա քննադատեց կենսաթոշակային կուտակային հիմնադրամն, ասելով. «Ամեն տարի 28 միլիարդ պետությունը գումար է պահում բյուջեից, ուղարկում է կուտակային ֆոնդ,որ մեր բնակիչները կարողանան 40 տարի հետո բարձր թոշակ ստանալ:
Բայց էդ մարդը հլը 40 տարի կապրի՞, որ կարողանա իր թոշակը ստանալ: Կամ 40 տարի հետո դրամի արժեքը ինչ կդառնա, կփոշիանա: Կամ այսօր մարդը չի կարող իր երեխային կերակրի, պահում է 40 տարի հետո: Դու այսօր մարդուն ապահովի, լիարժեք, բարեկեցիկ կյանքով կապրի, մի մտածիր հետագա 40 տարվա մասին»:
Ոսկան ՍԱՐԳՍՅԱՆ
