Եվրամիության «Արդարադատության մոնիթորինգ» ծրագիրը զեկույց է ներկայացրել՝ անդրադառնալով Հայաստանում արդարադատության բնագավառում ակնկալիքներին և պահանջարկին: Զեկույցը հիմնված է հանրային ընկալման արդյունքների, ինչպես նաև Հայաստանում արդարադատության որակի մասնագիտական գնահատականի և արդարադատության մարմինների գործունեության վրա, առանձնահատուկ ուշադրություն է դարձվել դատարաններին:
Հետազոտությունը նաև ուսումնասիրել է՝ ինչպես են արդարադատության մարմիններն ընկալում արդարադատության որակական բնագավառները և ինչպես են իրենց դրսևորում պարտականությունները կատարելիս ու օրենքին հետևելիս: Մոնիթորինգը հիմնված է արդարադատության ծառայությունների անկախության, հավասարության, հասանելիության, արդարության, ինչպես նաև ծառայությունների հանդեպ վստահության վրա:
Մոնիթորինգի արդյունքների համաձայն՝ բացակայում է վստահությունը երկրի արդարադատության համակարգի հանդեպ, բացի այդ, բնակչությունը բավարար գիտելիքներ չունի արդարադատության գործընթացների վերաբերյալ:
ՀՀ արդարադատության փոխնախարար Արթուր Հովհաննիսյանն ընդգծել է զեկույցի կարևորությունը: «Նախևառաջ, այս փաստաթուղթը, այսպես կոչված, «տնային աշխատանք է» արդարադատության նախարարության համար: Զեկույցը պետք է մանրակրկիտ ուսումնասիրել՝ պարզելու համար, ինչպես կարող է այն լրացնել բարեփոխման հետագա գործընթացները»,-ասել է նա:
Կարդացեք նաև
