Ն. Անդգուլաձեի անվան երիտասարդ երգիչների 2-րդ միջազգային մրցույթում` հայաստանյան մասնակիցներն արժանացել են մրցանակների

Ս. թ. մարտի 9-13-ը Թբիլիսիում կայացել է Վրաստանի ժողովրդական արտիստ Նոդար Անդգուլաձեի անվան երիտասարդ երգիչների 2-րդ միջազգային մրցույթը:

Մրցույթի կազմակերպիչներն են Ե. Միկելաձեի անվան ազգային երաժշտական կենտրոնը, աջակիցներ՝ Վրաստանի մշակույթի և հուշարձանների պահպանության նախարարությունը և Թբիլիսիի քաղաքապետարանը:

Հեղինակավոր այս մրցույթում իրենց մասնակցությունն են բերել, ավելի քան 80 մենակատարներ` Վրաստանից, Հայաստանից, Լիտվայից և այլ երկրներից:

4 տարիքային խմբերում Հայաստանը ներկայացնում են 5 մենակատարներ, ովքեր արժանացել են հետևյալ մրցանակների.

Կարդացեք նաև

«Եվրաատլանտյան վեկտորի պատճառով կորցրինք մեր տարածքների 20 տոկոսը, ՌԴ-ի հետ լիարժեք երկխոսել չենք կարող»․ Աբխաիձե

• 15:57 24.11.2024

«Ես անհայտ խարդախ եմ, դուք կորցրիք ձեր գումարը». կեղծ գովազդի զոհ դարձած քաղաքացին վարորդական վկայականի համար օգտատիրոջ հաշվեհամարին գումար էր փոխանցել

• 12:26 21.11.2024

Վրաստանի խնդիրն այն է, որ կառավարությունն ազդեցություն ունի Սահմանադրական դատարանի վրա, և դա անօրինական է․ JAMnews

• 11:28 18.11.2024

◆ Մարիամ Ալոյան /մեցցո-սոպրանո, Երևանի Կոմիտասի անվան պետական կոնսերվատորիայի մագիստրոս, դասատու՝ ՀՀ վաստակավոր արտիստ Ք. Սահակյան) արժանացել է Հաղթողի կոչման և Գրան պրի մրցանակի:

◆ Արտյոմ Ասմանգուլյան (Երևանի Ռ. Անդրեասյանի անվան երաժշտական դպրոց, դասատու՝ պրոֆեսոր Կ. Մկրտչյան) արժանացել է Առաջին մրցանակի:

◆ Հովհաննես Անդրեասյան (տենոր) արժանացել է Առաջին մրցանակի:

◆ Հովհաննես Կարապետյան /բաս, Երևանի Կոմիտասի անվան պետական կոնսերվատորիայի ուսանող, դասատու՝ պրոֆեսոր Կ. Մկրտչյան/ արժանացել է Երկրորդ մրցանակի:

◆ Արուսյակ Դավթյան /սոպրանո/ արժանացել է Երկրորդ մրցանակի:

Ն. Անդգուլաձեի անվան երիտասարդ երգիչների 2-րդ միջազգային մրցույթի հանձնաժողովի կազմում Հայաստանից ընդգրկված էր «Tenor World Association of Arts» ասոցիացիայի նախագահ, տենոր Կարեն Զոհրաբյանը, ինչպես նաև առաջատար մասնագետներ Իտալիայից, Վրաստանից. Լիտվայից:

 ՀՀ մշակույթի նախարարություն