Երջանիկ երկրների շարքում Ադրբեջանը 89-րդն է, Հայաստանը՝ 121։ «Թուրան» ադրբեջանական գործակալության վերլուծական կենտրոնի տվյալներով, Ադրբեջանում աղքատ է բնակչության 49 տոկոսը, մեկ շնչին ընկնող համախառն ներքին արդյունքը վերջին երկու տարում կրկնակի կրճատվել է եւ միայն 71 դոլարով է գերազանցում Հայաստանի համապատասխան ցուցանիշը։ Քաղաքացիական եւ քաղաքական ազատությունների առումով Ադրբեջանում վիճակը պարզապես սոսկալի է, իսկ կոռուպցիան՝ համատարած։ Միջին վիճակագրական ընտանիքը, եթե ունի երկու աշխատող, Ադրբեջանում տարեկան վաստակում է 4,4 հազ. դոլար։. Եվ, այնուամենայնիվ, ադրբեջանցիներն իրենց ավելի երջանիկ եւ հաջողակ են համարում, քան հայերս։
Թեեւ գոնե ադրբեջանցիների համեմատ մենք մեզ երջանիկ պիտի համարեինք։ Չէ՞ որ Արցախ ենք ազատագրել, հաղթել ապրիլյան պատերազմը եւ երեք մատի հայտնի կոմբինացիա ենք ցույց տալիս, երբ հակառակորդը, միջնորդներն ու հայրենական «հողատուները» խոսում են տարածքներ վերադարձնելու գնով խաղաղության մասին։
Հարցումն անցկացվել է ՄԱԿ-ի հովանու ներքո, ինչը բարձրացնում է հավաստիության մակարդակը։ Ահա թե ինչ պիտի հաղթահարել՝ դժբախտության բարդույթը։
Վահրամ ԱԹԱՆԵՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
