Ֆրանսիայի ՆԳ նախարար Բրյունո լե Ռուն հրաժարական է տվել կոռուպցիոն սկանդալի պատճառով: Ինչպես հաղորդում է BBC-ն, նախկին նախարարը կասկածվում է նրանում, որ իր երկու դուստրերին ֆրանսիական խորհրդարանում ապահովել է լավ վարձատրվող աշխատանքով:
Մեկնաբանելով հրաժարականի որոշումը՝ 21-ամյա սոցիալիստ լե Ռուն ասել է, որ չի ցանկանում, որպեսզի իր դուստրերի հանդեպ հետաքննությունը «խոչընդոտի կառավարության աշխատանքին»: Լե Ռուի հանդեպ մեղադրանքներ հնչել են այն բանից հետո, երբ տեղեկատվություն է հայտնվել այն մասին, որ նա իր երկու աղջիկներին աշխատանքի է տեղավորել որպես պատգամավորի օգնականներ: Նրանք այս պաշտոնում աշխատել են մի քանի տարի և բարձր աշխատավարձ են ստացել: Լե Ռուն չի հերքել, որ իր դուստրերն աշխատել են խորհրդարանում՝ մատնանշելով, որ նման պրակտիկան արգելված չէ:
Ֆրանսիայի ՆԳ նոր նախարար կդառնա Մատիաս Ֆեկլը, որը նախկինում զբաղեցրել է արտաքին առևտրի, զբոսաշրջության զարգացման և արտասահմանում Ֆրանսիայի քաղաքացիների հարցերով պետքարտուղարի պաշտոնը:
