Իրավապաշտպան Լարիսա Ալավերդյանը երեկ եւս գնացել էր Արթուր Սարգսյանի՝ «Հաց բերողի» հոգեհանգստի արարողությանը՝ իր ցավակցությունը հայտնելով ոչ միայն հարազատներին, այլեւ՝ բոլորիս: Որպես հասարակության մի մասնիկ, տիկին Ալավերդյանը իրեն եւս մեղավոր է զգում, տապալված:
Նա լրագրողների հետ զրույցում նշեց, որ «Ընդդեմ իրավական կամայականության» հասարակական կազմակերպությունը Արթուր Սարգսյանի մահը դիտում է իբրեւ դաժան վերաբերմունքի հետեւանք. «Ես շատ ցավում եմ, որ հասարակությունն էլ չկարողացավ դիմադրել դրան, բայց այսօր մենք փաստի հետ գործ ունենք: Ես կարծում եմ, քանի որ կան դատապաշտպաններ՝ իրենց հետ պետք է խորհրդակցվի, քանի որ իրավաբանական միջամտությունը անշուշտ, մենք չենք անելու, բայց չի բացառվում, որ մենք ընտանիքի հետ աշխատենք»:
Տիկին Ալավերդյանի կարծիքով՝ «Հաց բերողի» մահվան համար պատասխանատու է վճիռ կայացնողը. «Նույն «Նյուրնբերգյան» սկզբունքը, որ անօրեն կամ ոչ իրավական վճիռ կայացնողը եւս պատասխանատու է այդպիսի գործողության համար: Ես դեմ եմ, որ ամեն անգամ ցույց ենք տալիս դեպի վերեւը, փորձը ցույց է տալիս, որ դու ցույց ես տալիս մի կենտրոնի ու փոփոխության չես հասնում: Ես համոզված եմ, որ փոփոխությունների կարելի է հասնել, երբ որ պատասխանատուներին տեղում վերջապես դատապարտես ու կարողանաս դրանով մթնոլորտ փոխել: Ամեն մեկը, որ կատարում է անօրինական գործողություն նա պետք է իմանա, որ պետք է պատասխանատվություն տա»:
Մանրամասները՝ տեսանյութում:
Կարդացեք նաև
Անուշ ՄԱԹԵՎՈՍՅԱՆ
