«Ազատ դեմոկրատների» վարչապետի թեկնածու Հրանտ Բագրատյանին երեկ հարցրինք՝ ինչպես ասում են, ձեր բոյը, բուսաթը տեղը, ինչո՞ւ ձեզ հետ քարոզարշավներին սելֆի չեն անում, ինչպես Կարեն Կարապետյանի հետ են անում, կամ ինչո՞ւ ձեր ոտքերը չեն համբուրում: Նա պատասխանեց. «Եսի՞մ: Մի հատ սելֆի արա, էդ տրադիցիան խախտի»:
Նա ասաց, որ ինքը ընտրողների հետ հանդիպմանը նման բաներ չի սիրում անել. «Մի քիչ ուրիշ ձեւի մարդ եմ, ուրիշ բարոյականության: Ես էն մարդը չեմ , որ գնամ ասեմ՝ ժողովո՜ւրդ, հելեք խոսանք: Ես էդ մարդը չեմ: Ես իմ տեսակի մարդ եմ, թույլ տուր իմ տեսակին չդավաճանեմ: Օրինակ՝ 2013-ին մարդ կար, որ մի հատ բարեւով ձայն էր հավաքում, մենք էլ էինք բարեւում, բայց ցույց չէինք տալիս հեռուստացույցով: Հիմա որ մենք մարդկանց տեսնում ենք, չե՞նք բարեւում: Ես չեմ դատապարտում այն մարդուն, որը բարեւում էր, հիմա ձեւեր կան, որ դուրները գալիս է: Իսկ ես մի քիչ չոր, ակադեմիական ոճի մարդ եմ: Ակադեմիական բարքերի մարդ եմ: Ի վերջո, իմ աշխատանքային կենսագրությունը ԳԱԱ-ում է սկսվել»:
Լուսանկարը՝ Հ. ՋԵԲԵՋՅԱՆԻ
Կարդացեք նաև
«Առավոտ»
21,03.2017
