Հյութ օգտագործելու դեպքում վերականգնվում է ատամների էմալը, բացվում է դեմքի գույնը
Օգտակար են կաղամբի բոլոր տեսակները՝ սպիտակագլուխ կաղամբը, կարմրագլուխ կաղամբը, ծաղկակաղամբը, շաղգամակաղամբը եւ այլն։ Օրական 1-2 բաժակ կաղամբի հյութ կամ թարմ կաղամբ օգտագործող մարդը առողջության հետ կապված խնդիրներ չի ունենում։ Այսպես են ասում շատ բնաբույժներ: Կաղամբի տեսակները կարելի է օգտագործել այլ բանջարեղենի կամ նույնիսկ մրգերի հետ խառը։ Կաղամբը դյուրամարս մթերք է. մարսվում է 1.5-2 ժամվա ընթացքում։
Նշվում է, որ կաղամբն անփոխարինելի է վահանաձեւ գեղձի գործունեության խանգարման դեպքում, քանի որ մեծ քանակությամբ յոդ է պարունակում։
Շատ օգտակար է նաեւ թթու դրած կաղամբը։ Եթե թարմ կաղամբի մեջ պարունակվում է C վիտամինի մեկ տարատեսակ, ապա թթու կաղամբի մեջ կա C վիտամինի երկու տարատեսակ։
Կարդացեք նաև
Ծաղկակաղամբը շատ ավելի մեծ քանակությամբ վիտամիններ ու հանքային աղեր է պարունակում, քան սպիտակագլուխ կաղամբը։
Կաղամբի թարմ հյութ օգտագործելու դեպքում վերականգնվում է ատամների էմալը, բացվում է դեմքի գույնը։ Արդյունքի հասնելու համար անհրաժեշտ է խմել օրական 3 բաժակից ոչ պակաս։ Կաղամբի հյութից պետք է հրաժարվել միայն ենթաստամոքսային գեղձի բորբոքման դեպքում։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
21,03.2017
