Մարտի 21-ին կայացած ասուլիսը նվիրված էր «New York – Երևան Ջազ միացում» համատեղ նախագծին: Նախագծի ներկայացուցիչներն են Հայաստանի պետական կամերային նվագախմբի գեղարվեստական ղեկավար և դիրիժոր Վահան Մարտիրոսյանը և ջազմեն Վահագն Հայրապետյանը նյույորքյան ջազային երաժիշտների հետ միասին:Նյույորքյան նվագախմբի կազմում են Արի Ռոլանդը` կոնտրաբաս, Զաիդ Նասսերը` ալտ սաքսոֆոն, Յալլա Բալինը` վոկալ, Քիտ Բալլային` հարվածային:
Դիրիժոր եւ դաշնակահար Վահան Մարտիրոսյանը, խոսելով համատեղ նախագծի մասին, նշեց, թե ցանկանում էր, որ այս նվագախումբը կարողանա նվագել ամեն ոճում` ճիշտ ձևով և այսօր իրենք դրան հասել են: «Մեր նվագախումբը պետք է լինի բազմազարգացած», – ավելացրեց դիրիժորը:
Ալտ-սաքսոֆոնահար Զաիդ Նասսերը, որ Հայաստանում եղել է նաև 2000 թվականին, ասաց, որ այնքան լավ էր զգում այստեղ, որ մնացել է երեք տարի: Զաիդ Նասսերը Հայաստանը համարում է իր երկրորդ հայրենիքն ու տունը: Նա շատ բարձր կարծիք հայտնեց հայ ջազմենների մասին:
Յալլա Բալինը Հայաստանում ևս եղել է մեկ անգամ և խոստացել է հաջորդ անգամ գալ արդեն ընտանիքի անդամների հետ: Ասուլիսի ժամանակ էլ չհերքեց այդ փաստը, որ գրեթե ամրագրել է հյուրանոցային համարներ իր ընտանիքի անդամների համար: Նախագծի երգացանկի մասին խոսելիս Վահագն Հայրապետյանը փակագծերը մի փոքր միայն բացեց` հայտնելով, որ կլինեն և հայկական և համաշխարհային երաժշտության նմուշներ
Կարդացեք նաև
Ռոզա ԾԱՂԻԿՅԱՆ
