«Փաստարկ» մամուլի ակումբում այսօր լրագրողները «Ծառուկյան» դաշինքի պատգամավորի թեկնածու Միքայել Մելքումյանին հարցրին՝ «Գագիկ Ծառուկյանը քաղաքացիների հետ հանդիպումներում նշում է, որ պետք է իջեցնել վարկային տոկոսների շեմը: Ինչո՞ւ Գագիկ Ծառուկյանն ինքը բանկ չի բացում, որպեսզի էժան տոկոսներով վարկեր տա ժողովրդին»: Միքայել Մելքումյանը հստակեցրեց, որ ըստ դաշինքի առաջարկի՝ գյուղատնտեսական վարկերը 2-5 տոկոս պետք է լինեն:
Ինչ վերաբերում է Գագիկ Ծառուկյանի՝ բանկ բացելուն, Մելքումյանի խոսքով. «Ամեն մարդ պետք է իր գործով զբաղվի: Նախ, պետք է այդպիսի ցանկություն լինի: Ծառուկյանը հիմնականում արտադրող է, դա բիզնես-ոճ է: Նա իր միջոցներով ժողովրդի հետ կիսվում է, բայց բարեգործությամբ երկիր չես պահի, դա պետական մակարդակով պետք է արվի»:
Պատգամավորի թեկնածուն նշեց՝ իրենց նախընտրական ծրագրում հիմնավորված է, որ հնարավոր է ցածր տոկոսադրույքով վարկեր սահմանել:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
