Երեկ նախընտրական քարոզարշավի շրջանակներում անցկացվել է մարզական ֆեդերացիաների համաժողով՝ իբր ֆիզիկական կուլտուրայի եւ մասսայական սպորտի զարգացմանն առնչվող խնդիրներ քննարկելու համար։
Բայց համաժողովը վերածվել է կուսակցական ժողովի. այն վարել է ՀՀԿ համամասնական ցուցակի երկրորդ հորիզոնականը զբաղեցնող Տարոն Մարգարյանը։ Իսկ ժողովի արդյունքում 27 հ/կ-ների, այդ թվում՝ մարզական ֆեդերացիաների ներկայացուցիչներ ստորագրել են մի հայտարարություն, որն ամենեւին չի առնչվել սպորտին ու ֆիզիկական կուլտուրային, այլ նրանք կոչ են արել առաջիկա ընտրություններին քվեարկել ՀՀԿ-ի օգտին։
Միայն թե, հետաքրքիր է՝ սպորտսմեններից քանիսը կհետեւեն այս կոչին, եթե նկատի ունենանք այն փաստը, որ ԲՀԿ առաջնորդ Գագիկ Ծառուկյանը, որը նաեւ Հայաստանի ազգային օլիմպիական կոմիտեի ղեկավարն է, լուրջ ներդրում ունի մի շարք սպորտաձեւերի տարածման ու զարգացման գործում, եւ որոշ ֆեդերացիաներ էլ նրա «ղեկավարման» տակ են։
Արման ԳԱԼՈՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
