Փետրվարի 14-ից 19-ը Մոսկվայում կայացած միջազգային մրցավարական կուրսերի ավարտին սպորտային մարմնամարզության Հայաստանի չորս մասնագետներ՝ ազգային հավաքականի գլխավոր մարզիչ Հակոբ Սերոբյանը, Էլֆիկ Հովհաննիսյանը, Տիգրան Պետրոսյանը եւ Արթուր Գյուրջինյանը, հաջող են հանձնել քննությունները եւ ստացել միջազգային կարգի մրցավարի որակավորում: Մարզաձեւի միջազգային ֆեդերացիան օրերս հաստատել է նրանց կոչումները: Ընդորում, Հակոբ Սերոբյանը, որ մինչ այդ էլ միջազգային որակավորում ուներ, իր կարգը հաստատել է հերթական անգամ:
Միջազգային որակավորման մասնագետներ ունենալը շատ կարեւոր է հայկական մարմնամարզության համար, քանի որ նրանց ներկայությունը միջազգային մրցումներում կնպաստի, որպեսզի գոնե մեր մարմնամարզիկների մրցելույթները արդար գնահատվեն:
Աշոտ ՀԱԿՈԲՅԱՆ
Լուսանկարը՝ Տիգրան Պետրոսյանի անձնական արխիվի
