Ղրիմ մեկնած եվրոպացի և ուկրաինացի քաղաքական գործիչների դեմ կարող են պատժամիջոցներ սահմանվել և քրեական գործեր հարուցվել: Այս մասին հայտարարել է Ուկրաինայի ազգային անվտանգության և պաշտպանության խորհրդի քարտուղար Ալեքսանդր Տուրչինովը:
Ավելի վաղ ռուսական ԶԼՄ-ները հաղորդել էին այն մասին, որ օտարերկրացի և ուկրաինացի մի շարք պաշտոնյաներ եռօրյա այցով ժամանել են Ղրիմ։ Պատվիրակության կազմի մեջ են մտնում Եվրախորհրդարանի պատգամավորներ, ինչպես նաև քաղաքական գործիչներ ԵՄ երկրներից, ԱՊՀ-ից և Լատինական Ամերիկայից։
Տուրիչնովի խոսքով՝ եթե այդ տեղեկությունը հաստատվի, ապա խորհրդի նիստում կդիտարկվի պատժամիջոցներ սահմանելու հարցը։ Նա պահանջել է նաև քրեական գործեր հարուցել «ակցիային» մասնակցած ուկրաինացի քաղաքական գործիչների նկատմամբ։
