«Սասնա ծռերի» գործողության ժամանակ մի հայ ի հայտ եկավ եւ «սիրիր մերձավորիդ» պատգամն անմիջապես կյանքի կոչեց: Նրան կոչեցինք «հաց բերող»: Հացը մեզ համար սրբություն է: Նա բարոյական նշաձող սահմանեց, որն այս պահին ոչ մեկ չի գերազանցել»,-«Օհանյան-Րաֆֆի-Օսկանյան» դաշինքի՝ Աջափնյակ վարչական շրջանում նախընտրական հավաքի ժամանակ հայտարարեց դաշինքի թեկնածու, «Ժառանգություն» կուսակցության փոխնախագահ Արմեն Մարտիրոսյանը:
Հավաքի մասնակիցները մեկ րոպե լռությամբ հարգեցին օրերս մահացած «հաց բերող» Արթուր Սարգսյանի հիշատակը: «Չլինեին այս իշխանությունները, «Սասնա ծռերի» գործողությունը չէր լինի, «Հաց բերողի» նկատմամբ էլ այս վերաբերմունքը չէր լինի: Այսօր փորձում են հասկանալ՝ բժիշկները ճի՞շտ են արել, թե ոչ, բայց չլիներ նրա երկրորդ կալանքը, ոչ հացադուլ կաներ, ոչ կհյուծվեր: Մահվան պատճառը հյուծվելն էր՝ ակնհայտ է»,-նկատեց Արմեն Մարտիրոսյանը:
Ըստ նրա՝ «Հաց բերողի» մահվան համար պատասխանատուն իշխանությունն է: «Էլի քաղբանտարկյալ կա՝ Արմեն Միքայելյանը՝ հրաշալի երիտասարդ՝ պայքարող եւ հայրենասեր»,-ասաց Արմեն Մարտիրոսյանը:
Լուիզա ՍՈՒՔԻԱՍՅԱՆ
Կարդացեք նաև
