Երևանի փոխոստիկանապետ Վալերի Օսիպյանը, դիմելով երթի մասնակիցներին, ասաց, որ ամբողջ պատասխանատվությունը երթի մասնակիցների վրա է:
Ազատության հրապարակին հարող Մաշտոցի պողոտայում այս պահին բավականին լարված վիճակ է: Ոստիկանները շղթայի մեջ էին վերցրել երթի մասնակիցներին, որոնք փորձում էին երթով շարժվել կենտրոնական փողոցներով: Երեւանի փոխոստիկանապետ Վալերի Օսիպյանը դիմելով հավաքված մարդկանց, հորդորում է չխանգարել երթեւեկությունը եւ ազատ հատվածով քայլել:
Օսիպյանը Շահեն Հարությունյանի հետ զրույցում ասաց. «Սրանք անկարգություններ են»: Մինչդեռ Շահենը պնդում էր, որ սա խաղաղ երթ է:
Օսիպյանն ասաց, որ մարդիկ դիտավորյալ յոթ-ութ րոպե փակել էին փողոցը, իսկ երթի մասնակիցները պնդեցին. «Այստեղ ժողովուրդն է որոշում»:
Կարդացեք նաև
«Եթե այստեղ մի բան լինի, կնշանակի դուք դիտավորյալ բախում եք հրահրում»,-ասաց Օսիպյանը: Այս պահին երթի մասնակիցները շարունակեցին իրենց ակցիան, շարժվում են դեպի կառավարության շենք: Շահեն Հարությունյանն ասաց, որ ոստիկանների հրմշտոցի արդյունքում մի քանիսը ուշաթափվել է, մի քանիսի ոտքերն են վնասվել:
Նելլի ԲԱԲԱՅԱՆ
