Դիլիջանում ՀՀ վարչապետ Կարեն Կարապետյանի հետ հանդիպման ընթացքում հարցուպատասխանի ժամանակ մեկը հետաքրքրվեց 1000-ական դրամ պահումներից, որն արվում է ԶՈւ-ում հաշմանդամ դարձած կամ մահացած անձանց ընտանիքներին օգնելու համար և հետաքրքրվեց, թե արդյոք արդարացվա՞ծ է, որ և՛ 60 հազար աշխատավարձ ստացողը, և՛ 200 հազարական ստացողները պետք է ստանան 1000 դրամ այն դեպքում, որ դա կարող է լինել մեկի տրանսպորտի գումարը, մյուսի դեղի գումարը: Նա հետաքրքրվեց, թե որքանով է դա արդարացված:
«Գիտեք ինչ, հարազատ, մենք այդ հարցն այնքան ենք քննարկել: Իդեալական լուծում չի լինելու», – նշեց Կարեն Կարապետյանը: «Ես պատրաստ եմ 5000 վճարել»,– արձագանքեց հարց տվող աղջիկը: «Վճարե’ք, որևէ մեկը ձեզ չի սահմանափակելու, բայց մեր ազգը շատ ունիկալ ազգ է, մեկ-մեկ շատ բարդ: Քննարկել ենք, կռիվ ենք արել, բայց որոշում ենք կայացրել: Հիմա երեք ամիս հետո ինչո՞ւ եք այդ հարցը բարձրացնում: Դա Ձեզ ամենահուզող հա՞րցն է», – արձագանքեց վարչապետը:
Նյութի մանրամասները կարդացեք սկզբնաղբյուր կայքում
