Հայաստանում Եվրամիության պատվիրակության ղեկավար, դեսպան Պյոտր Սվիտալսկին օրերս հայտարարել էր , որ հայկական կողմը որոշ եվրոպացի դիտորդների չի հրավիրել հետևելու ապրիլյան ընտրություններին, ինչը, նրա ձեւակերպմամբ, լավ չէ:
Aravot.am-ը Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանին խնդրեց մեկնաբանել Եվրամիության ներկայացուցչի հայտարարությունը: «Այն, որ հրավեր ուղարկվել է, արվել է հրապարակային եւ ցանկն էլ կա, միայն դա կարող եմ ասել»,-ասաց ԿԸՀ նախագահը:
Իսկ թե ով է Սվիտալսկիի մեղադրանքի հասցեատերը, Տիգրան Մուկուչյանը առաջարկեց ճշտել հենց նրանից. «Երբ հասցեատիրոջը ճշտեք իրենից, այն ժամանակ էլ կպատասխանեմ»:
Գոհար ՀԱԿՈԲՅԱՆ
