«Ազատ դեմոկրատները» նախատեսում են կենսաթոշակի աճ մինչեւ 73 հազար դրամ։ Ըստ տնտեսական ծրագրի հեղինակ, «Ազատ դեմոկրատների» վարչապետի թեկնածու Հրանտ Բագրատյանի, աշխատավարձի բարձրացումը համեստ կլինի, բայց թոշակի հարցում իրենք շռայլ են լինելու։ «Մեր ծրագրի առանձնահատկությունը նա է, որ մենք սկզբից հաշվում ենք մակրոտնտեսական ցուցանիշները, հաշվելու ընթացքում ստանում ենք պիրոգ, տորթ, իսկ հետո նոր սկսում ենք բաժանել։ Ընդ որում, բաժանելուց շատ զգույշ ենք աշխատավարձը բարձրացնելու, որովհետեւ երկիրը մեծ պարտքեր ունի եւ ապրում է պարտքի հաշվին։
Բայց թոշակների բարձրացման հարցում մենք շռայլ ենք լինելու։ Այսօր թոշակը սխալ են հաշվում։ Որովհետեւ, եթե ընդունենք, որ մարդն ապրում է միջինը 74 տարի ու 63-ից գնում է թոշակի, ուրեմն նա մոտ 1 1 տարի պետք է թոշակ ստանա։ Միջինը մենք աշխատում ենք 30 տարի եւ 1 1 տարի էլ թոշակ ենք ստանում, այսինքն՝ 30 տարվա 37 տոկոսը։ Հետեւապես, թոշակը պետք է աշխատավարձի առնվազն 37 տոկոսը կազմի, ոչ պակաս։ Մինչդեռ թոշակն այսօր 40 հազար է, աշխատավարձը՝ մոտ 200 հազար, գնաճով, այլ գործոններով իջնում է մինչեւ 20 տոկոս։ Մենք աշխատավարձը դարձնում ենք 250 հազար, բայց թոշակը համարյա կրկնապատկվում է»,- նշում է նախկին վարչապետը։
Որոշ կուսակցությունների ծրագրերը՝ թոշակառուների մասով, կարոտագրեր են հիշեցնում կամ բարի ցանկությունների մատյան։ ՕՐՕ-ն խոստանում է ամեն տարի ինդեքսավորել թոշակները՝ գնաճին համապատասխան։ ՀՎԿ-ն մի բան է ասում՝ կբարձրացնենք, կոմունիստները շեշտում են՝ ապահով ծերություն, իսկ ՀՅԴ-ն գրում է. «Անթույլատրելի է, որ ողջ կյանքն արդար քրտինքով իր հացը վաստակած տարեց քաղաքացին հայտնվի աղքատության մեջ»։
Կոմունիստները թոշակների հարցում շռայլ են։
Կարդացեք նաև
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
