«Ազատ Դեմոկրատներ» կուսակցության պատգամավորի թեկնածու, կրթության փորձագետ Անահիտ Բախշյանը ապրիլի 2-ին պատգամավոր ընտրվելու դեպքում հանդես է գալու օրենսդրական փոփոխության նախագծով, համաձայն որի՝ բուհերի կառավարման խորհուրդները պետք է ապակուսակցականացվեն: «Այդ խորհուրդներում պետք է լինեն գիտխորհրդի մարդիկ, ուսանողներ եւ գործատուներ: Ոչ մի քաղաքական ուժ իրավունք չպետք է ունենա խորհուրդը կառավարել»,-Շենգավիթ համայնքում այսօր ընտրողների հետ հանդիպմանն ասաց Անահիտ Բախշյանը:
Նա նաեւ նշեց, որ հանրակրթական ուսումնական հաստատությունների տնօրենները չպետք է աշխատանքային պայմանագիր կնքեն մարզպետի հետ. «Այդ դեպքում տնօրենը դառնում է մարզպետի խամաճիկը եւ հաշվետու լինում նրան, մինչդեռ պետք է հաշվետու լինի աշակերտներին եւ ծնողներին»:
Ըստ Անահիտ Բախշյանի՝ աշակերտական խորհուրդների ձայնը լսելի պետք է լինի, ինչն արդեն իսկ ամրագրված է օրենքով:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
