«Ինչի մեջ մեզ մեղադրել են, միայն ընտրակաշառք բաժանելու մեջ չեն մեղադրել»,- հպարտանում է «Հայկական վերածնունդ» կուսակցության խորհրդի անդամ, պատգամավորի թեկնածու Կարեն Թումանյանը:
Aravot.am-ի դիտարկմանը, թե ջեմ ու մուրաբա բաժանելու մեջ չե՞ն մեղադրել, պարոն Թումանյանը պատասխանեց. «Որ գնում եք ձեր բարեկամի տուն, դատարկ ձեռով ե՞ք գնում, բա մենք էլ մեր կուսակցականների տուն, որ գնացել ենք, ձեռքի հետ մի բան տարել ենք: Դե թող մի անկապ մարդ ասի, գիտեք՝ ինձ մուրաբա են տվել: Կուսակցության մեջ ավանդույթներ կան, մուրաբան սարքեցին չգիտես ինչ պատմություն, մարդիկ ջիպեր էին ստանում գյուղապետերը նվերներ ու հինգ հազարով ձայն էին բերում:
Այդ ժամանակ, երբ ՕԵԿ-ը մեծ ձայներ ուներ, կարո՞ղ եք ասել, թե այդ ոնց է լինում՝ տարբեր տեղամասերում ՕԵԿ-ի ձայները տարբեր էին, այսինքն, տեղամաս կար, որ հաղթում էին, տեղամաս կար զրո ձայն էր հավաքում: Դա ինչի մասին է խոսում, թե դա մուրաբայի հաշվին էր: Ժողովուրդը սենց հատկություն ունի, մանավանդ ծախու մասի համար cash փողից էն կողմ բան չկա, մուրաբան դեր չի խաղում, դա ընտրակաշառք չէր էլ կարող լինել»:
Պարոն Թումանյանի խոսքով, ինքը ՕԵԿ-ական չի եղել, բայց միշտ համակիր է եղել. «Մտեք parliament.am, եթե նույնիսկ կոալիցիայի ժամանակ ՕԵԿ-ից ավելի ընդդիմադիր նախագծեր մի կուսակցություն տվել է , կասեք` ամոթ քեզ, հարցրեք` ինչու են այդքան ՕԵԿ-ի նախագծերը մերժվել, եթե ինքը կոալիցիա էր»:
Կարդացեք նաև
Արփինե ՍԻՄՈՆՅԱՆ
