Հանրային հեռուստաընկերության լրատվական եւ վերլուծական ծրագրերի տնօրեն Հարություն Հարությունյանն ասաց, որ «Հ1»-ը պատրաստվում է ապրիլի 2-ին կայանալիք խորհրդարանական ընտրություններում ներգրավված քաղաքական ուժերի ներկայացուցիչների մասնակցությամբ հեռուստաբանավեճեր կազմակերպել։
– Պարոն Հարությունյան, ինչո՞ւ հանրային հեռուստաընկերության եթերում նախընտրական քարոզարշավի ժամանակահատվածում հեռուստաբանավեճեր չեն կազմակերպվում խորհրդարանական ընտրություններին մասնակցող քաղաքական ուժերի միջեւ:
– Եթե նկատել եք, մենք հիմնականում լուսաբանում ենք ոչ թե ռեյտինգային թեկնածուներին, այլ՝ կուսակցությունների եւ դաշինքների քարոզարշավը։ Այս առումով մենք համարում ենք, որ սա խորհրդարանական ընտրություններ են։ Եվ ոչ թե ռեյտինգային թեկնածուներին պետք է ավելի շատ անդրադարձ կատարենք, այլ կուսակցություններին, նրանց ծրագրերին եւ նրանց լիդերներին։
Բանավեճերի մասով, իհարկե, ի սկզբանե ես նախատեսում էի, որ նման մի բան պետք է լիներ եթերում, ուղղակի ֆիզիկապես չհասցրինք՝ ժամանակի առումով։ Հիմա, այս պահին մենք մտածում ենք մի ձեւաչափի մասին, ըստ երեւույթին «Օրակարգ» ծրագրով արդեն ամբողջականացրած կներկայացնենք, թե ինչպես ենք դա պատկերացնում։ Ուղղակի հիմա հստակ օրը եւ ժամը չեմ կարող ասել, որովհետեւ պետք է նայենք, թե ինչ ձեւաչափ ենք ընտրում, որպեսզի կարողանանք հանրությանը ներկայացնենք բոլոր կուսակցություններին հավասարապես եւ բոլոր կուսակցությունների առաջնորդներին կարողանանք հավաքել մի տեղ ու կազմակերպել այդ բանավեճը։
Կարդացեք նաև
Տիրայր ՄՈՒՐԱԴՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
