Ռուսաստանի նախագահ Վլադիմիր Պուտինը չի բացառել, որ ՌԴ-ն և Հայաստանը կարող են անցնել ազգային արժույթներով փոխհաշվարկների: Այս մասին Պուտինը հայտարարել է Հայաստանի նախագահ Սերժ Սարգսյանի հետ բանակցություններից հետո կայացած մամուլի ասուլիսին:
https://www.youtube.com/watch?v=BMzxJTPLvTo&feature=youtu.be
«Առևտրի հետագա ընդլայնման և դիվերսիֆիկացման նպատակով այժմ ուսումնասիրվում է ազգային արժույթներով փոխհաշվարկների հնարավորությունը»,- ասել է Պուտինը:
ՌԴ նախագահը նաև նշել է, որ Ռուսաստանը Հայաստանի էկոնոմիկայում ներդրել է ավելի քան 3 միլիարդ դոլարը, իսկ հանրապետությունում գործում է շուրջ 2000 ձեռնարկություն՝ ռուսական կապիտալով: «Ակտիվ զարգանում է համագործակցությունը էներգետիկայի ոլորտում»,-ասել է Պուտինը՝ հավելելով, որ «Գազպրոմ»-ի աջակցությամբ վերակառուցվել է Հրազդանի ՋԷԿ-ը, որի հզորությունը հասցվել է մինչև 480 մեգավատի, իսկ Ռոսատոմն արդիականացնում է ՀՀ ԱԷԿ-ը:
Պուտինի խոսքով՝ Ռուսաստանն աջակցում է նաև Հայաստանի տրանսպորտային ենթակառուցվածքի զարգացմանը:
Պատրաստեց՝ Վիկտորյա ԱՆԴՐԵԱՍՅԱՆԸ
