Մարտի 10-ին Մոսկվայում տեղի ունեցած ռուս-թուրքական բանակցությունների ժամանակ Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը քննարկել են Անկարային С-400 հակաօդային պաշտպանության համակարգերի մատակարարման հարցը: Ինչպես հայտնում է «Իզվեստիա» թերթը տեղեկությունը հաստատել են նաև ՌԴ նախագահի մամուլի խոսնակ Դմիտրի Պեսկովը և ՊՆ նախարար Սերգեյ Շոյգուն:
Թերթի տվյալներով՝ թուրքական կողմը հետաքրքրված է այդ համակարգերը գնելու հարցով և այժմ գնահատում է պայմանագրի արժեքը: Ռուսական կողմը ևս դեմ չէ համագործակցել Թուրքիայի հետ այդ ոլորտում՝ հաստատել է Պեսկովը: «Կողմերը հետաքրքրված են և կշարունակեն բանակցությունները»,-ասել է նա:
ՌԴ ՊՆ նախարար Սերգեյ Շոյգուն իր հերթին հայտնել է, որ Կրեմլում քննարկվել է Թուրքիային С-400 հակաօդային պաշտպանության համակարգեր մատակարարելու հարցը:
Փորձագետները նշում են, որ համաձայնության գալու դեպքում սա կլինի Մոսկվայի և Անկարայի միջև ռազմատեխնիկական համագործակցության շրջանակում առաջին խոշոր պայմանագիրը:
Կարդացեք նաև
«Այս նախաձեռնությունը ուժեղ քաղաքական ենթատեքստ ունի, այն հզոր ազդանշան է ուղղված ՆԱՏՕ-ին և ԱՄՆ-ին. եթե Թուրքիային չհարգեն, նա կամրապնդի իր հարաբերությունները Ռուսաստանի հետ: Միշտ չէ, որ զենքը գնում են ռազմական նպատակների համար»,-մեջբերում է «Իզվեստիա»-ն Ռազմավարությունների և տեխնոլոգիաների վերլուծության կենտրոնի տնօրեն Ռուսլան Պուխովի կարծիքը:
Պատրաստեց՝ Վիկտորյա ԱՆԴՐԵԱՍՅԱՆԸ
