Մարտի 14-ին Հայաստանում Ֆրանսիայի դեսպանատանն ընդունելություն էր կազմակերպվել, որի ընթացքում «Ֆրանսիայի համը» միջոցառմանը մասնակցող ռեստորանների շեֆ-խոհարարները ներկայացրեցին իրենց կողմից առաջարկվող ճաշատեսակներ:
Միջոցառումը մարտի 15-30-ն անցկացվող Ֆրանկոֆոնիայի 15-օրյակի համատեքստում էր:
Հայաստանում Ֆրանսիայի դեսպան Ժան-Ֆրանսուա Շարպանտիեն փաստեց, որ մի քանի տարի է, ինչ Ֆրանկոֆոնիան Հայաստանում դարձել է բարի ավանդույթ` ՀՀ իշխանությունների եւ ԱԳ նախարարության նախաձեռնությամբ:
Կարդացեք նաև
Դեսպանը խոսեց ֆրանկոֆոնիական միջոցառումների շարքից:
Պարոն Ժան-Ֆրանսուա Շարպանտիեն նշեց, որ դեսպանատանը կազմակերպված միջոցառումը առանձնահատուկ է նրանով, որ ֆրանսիական նրբահամ ուտեստների պատրաստմանը իրենց նպաստ են ունեցել Գյումրիի Տիրամայր Հայաստան կրթահամալիրի եւ ֆրանս-հայկական մասնագիտական ուսումնարանի սաները:
Հավելենք, որ մարտի 21-ին « Ֆրանսիայի համը» իր շուրջը կհավաքի 5 մայրցամաքների 2000 ավագ խոհարարների` Ֆրանսիական խոհանոցը նշելու համար: Երեւանը եւս միացել է միջոցառմանը, որին կմասնակցի 6 ռեստորան` առաջարկելով ֆրանսիական Ճաշատեսակներ
Գոհար ՀԱԿՈԲՅԱՆ
