Մարտի 3-ից անժամկետ հացադուլ է հայտարարել Արմավիր ՔԿՀ-ի ցմահ դատապարտյալ Արամ Պետրոսյանը` բողոքելով պետի անգործության ու անտարբերության դեմ: Ըստ հացադուլավորի՝ պաշտոնյան չի զբաղվում կալանավորների խնդիրներով, անհարկի տույժեր է տալիս, տանում պատժախուց:
Արամի պատմելով՝ ինքը դիմում է գրել, որ անհամատեղելի է ապրել իր խցակցի հետ, սակայն պետը դիմումն անհետևանք է թողել: Արդյունքում վիճաբանություն է եղել ու նրան պատժախուց են տարել: Խուցը նորմալ չի, իբր նորոգել են, բայց անարդյունք:
«Պետը զբաղվում է այն խնդիրներով, որոնց մասին հրապարակումներ են լինում»,-պատմեց խմբագրություն զանգահարած ցմահ դատապարտյալը: Նա դիմումներ է հղել ՔԿՀ վարչության պետին, արդարադատության նախարարին, ՄԻՊ-ին բայց դեռ արձագանք չկա:
Դավիթ ԱՐԱՄՅԱՆ
