Ընդամենը մարտի 10-ին հոլանդական «Մանկական ձայն» շոուի կողմից Յութուբում տեղադրված եւ արդեն իսկ ավելի քան 276 հազար դիտում գրանցած տեսանյութի հերոսուհին 9-ամյա Աննան է: «Սա տղամարդկանց աշխարհ է»` This is a man’s world երգի կատարման հենց առաջին իսկ նոտաներից ժյուրիի անդամ հայտնի երգիչ Մարկո Բորսատոն, որը տասնյակ հեղինակավոր պարգեւներ է ստացել եւ մոտ 50 պլատինե սկավառակ է թողարկել, անմիջապես սեղմեց «ուզում եմ այս երգչին» կոճակը եւ շրջվեց: Մինչեւ կատարման վերջին պահը նա չէր զսպում իր հիացմունքը, անգամ բարձրացավ աթոռին եւ սկսեց այնտեղից ծափահարել Աննային:
Աննան 9 տարեկան է, մեծանում է երաժշտական ընտանիքում, ծնողները Հայաստանից են: Նա խոսում է հայերեն, թեեւ դեռ երբեւէ չի եղել իր ծնողների հայրենիքում: Երազում է հանրաճանաչ դառնալ, ուզում է ունենալ սեփական դելֆիններ եւ մի ամբողջ պահարան` փայլփլուն զգեստներով եւ կոշիկներով:
Թեեւ ժյուրիի երեք անդամներն էլ` Մարկո Բորսատոն, Իլզե Դելանժեն եւ Ալի Բ-ն ցանկացան իրենց թիմ ընդգրկել փոքրիկ հայուհուն, սակայն նա ընտրեց ռեփեր, կատակերգու, հաղորդավար Ալի Բ-ին, որը Աննայի առջեւ ծնկի էր եկել եւ ծնկաչոք խնդրում էր` դառնալ իր թիմի անդամը:
https://www.youtube.com/watch?v=48sZ6hpaHNQ&list=RD48sZ6hpaHNQ&index=1
Կարդացեք նաև
Պատրաստեց Մելանյա ԲԱՐՍԵՂՅԱՆԸ
