«Իհարկե, ընտրախախտումները չեն օգնի ՀՀ-ԵՄ հարաբերություններին և կարող են հանգեցնել տարաբնույթ հետևանքների, այդ թվում՝ սահմանափակելով Հայաստանի մասնակցությունը, ասենք՝ ԵՄ մի շարք ծրագրերի։ Բայց ես չեմ կարծում, որ ամեն բան կհասնի դրան»,- ասել է Եվրոպական խորհրդարանի փոխնախագահ, «Եվրանեսթ» խորհրդարանական վեհաժողովի փոխնախագահ, եվրոպացի քաղաքական գործիչ Ռիչարդ Չարնեցկին՝ անդրադառնալով Հայաստանում ապրիլի 2-ին անցկացվելիք խորհրդարանական ընտրություններին։
Նա տեղեկացրել է, որ հայաստանյան ընտրություններին դիտորդական առաքելություն է իրականացրել նախկինում, և, թեև ոչ կատարյալ, դրանք կազմակերպված են եղել՝ ըստ կանոնների, և, ընդհանուր առմամբ, հավուր պատշաճի։ Ուստի եվրոպացի պատգամավորը լիահույս է, որ հայաստանյան գալիք ընտրությունները չափանիշերն էլ ավելի կբարձրացնեն։
«Սա շատ կարևոր հանգրվան է երկրի համար, երբ սահմանադրական կարգավորումները կսկսեն գործել նոր խորհրդարանի ձևավորումից հետո։ Ընտրություններին՝ որպես Եվրոպական խորհրդարանի փոքրիկ դիտորդական առաքելության ներկայացուցիչ, կլինեմ Երևանում»,- ասել է Չարնեցկին։
Հոդվածն ամբողջությամբ կարող եք կարդալ «168 ժամ» թերթի այսօրվա համարում
