Լիբանանահայ, Հայաստանի Հանրապետության քաղաքացի Ջորջ Տաբակյանը Իջեւանի տարածաշրջանի Բերքաբեր գյուղում, հայ-ադրբեջանական սահման հանդիսացող Ջողազի ջրամբարի աջ ափին բերքաբերցիներից երկարաժամկետ վարձակալության վերցրած 3000 քառակուսի մետր տարածքը հերկել ու այնտեղ խաղաղության այգի է հիմնելու:
Երեւանում բնակվող, սակայն ինչպես ինքն է ասում՝ սրտով Տավուշի մարզում գտնվող Տաբակյանը մի քանի օրից կտնկի արքայանարնջի 300 ծառ, որոնցից յուրաքանչյուրը կկրի այն մարդկանց անունը, ովքեր իրենց կյանքը ու գործը նվիրել են հայ ժողովրդին, Հայաստանի անվտանգությունը:
«Արար» հիմնադրամի գործադիր տնօրեն, «Սահման» ՀԿ համահիմնադիր Ջորջ Տաբակյանը հայտնեց, որ նպատակ կա ծրագիրն ընդարձակելու: Նրան հարցրինք՝ չե՞ք վախենում, որ ադրբեջանական զինուժը կգնդակոծի խաղաղության այգին: Նա ասաց, որ նրանք կարող են դա անել, բայց իրենք այդ ծրագիրն իրականացնելու են:
Կարդացեք նաև
Ջ. Տաբակյանը հայտնեց, որ խաղաղության այգի հիմնելով՝ փորձում է խաղաղության կոչ ուղղել ադրբեջանցիներին:
Ոսկան ՍԱՐԳՍՅԱՆ
