«Մենք պահանջեցինք, որ նա հեռանա, եւ նա հարգեց ժողովրդի կամքն ու ցանկությունը, հեռացավ»,-Արմավիրի մարզի Արեւիկ համայնքում այսօր «Կոնգրես-ՀԺԿ» դաշինքի թեկնածուների հետ նախընտրական հանդիպման ժամանակ ՀԱԿ առաջնորդ, առաջին նախագահ Լեւոն Տեր-Պետրոսյանին այսպիսին հիշեց բնակիչներից Վոլոդյա Մակարյանը:
«Իսկ հիմա՝ ուզում ես՝ նախագահին ասա, չի հեռանա: Մենք ընտրենք-չընտրենք՝ իրենք իրենց գործն անում են»,-հուսահատ նոտայով հավելեց Մակարյանը:
«Քամակներն աթոռին է կպել՝ չի պոկվում…դուք պիտի պոկեք»,-կատակեց դաշինքի թեկնածու, ՀԱԿ փոխնախագահ Լեւոն Զուրաբյանը: Տղամարդը չհամաձայնեց. «Պոկել չի լինի, կուսակցությունները շատ են, ժողովուրդն էլ շփոթվել է՝ ո՞ւմ հավատա»:
Կարդացեք նաև
Բնակիչների այս տարակուսանքի առնչությամբ դաշինքի թեկնածու, Արմավիրի առաջին մարզպետ Սեդրակ Հովհաննիսյանը նկատեց, որ իշխանություններն աշխատել են ժողովրդի բարոյալքման ուղղությամբ, որպեսզի մարդիկ առաջնորդվեն «ոչինչ չի փոխվելու»-ի տրամաբանությամբ. «Դա որոշ քաղաքագետների եւ իշխանության «արբանյակ»-կուսակցությունների քարոզչության արդյունքն է: Այդպես մտածող մարդիկ դառնում են իշխանության լուռ դաշնակիցը»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
