Լեհաստանի «Իրավունք և արդարություն» իշխող կուսակցության առաջնորդ Յարոսլավ Կաչինսկին հայտարարել է, որ Եվրոպան կանգնած է մասնատման ուղու վրա: Ինչպես հաղորդում է Reuters գործակալությունը, նա նման հայտարարությամբ հանդես է եկել այն բանից հետո, երբ ԵՄ անդամ երկրները կողմ են քվեարկել Եվրախորհրդարանի ղեկավարի պաշտոնում Դոնալդ Տուսկի վերընտրվելուն:
«Եվրամիությունում գերիշխում է մի երկիր: Ակնհայտ է, որ դա Գերմանիան է»,-շեշտել է Կաչինսկին՝ հավելելով, որ որոշ քաղաքական գործիչների դեմ հսկայական ճնշումներ են գործադրվում:
Նրա խոսքով՝ եթե ԵՄ-ն չհրաժարվի այդ ճանապարհից, կանցնի պատմության գիրկը:
Միևնույն ժամանակ Կաչինսկին նշել է, որ Լեհաստանը շարունակում է լինել Եվրամիության հետևողական կողմնակից:
Կարդացեք նաև
Նշենք, որ Լեհաստանը չի ստորագրել Եվրամիության գագաթնաժողովի ամփոփիչ փաստաթուղթը:
Պատրաստեց՝ Վիկտորյա ԱՆԴՐԵԱՍՅԱՆԸ
