Ադրբեջանում բլոգեր Ալեքսանդր Լապշինի կալանքի տակ գտնվելը ԵԱՀԿ-ին վերաբերող հարց չէ: Ինչպես հաղորդում է APA ադրբեջանական գործակալությունը, այս մասին ասված է ԵԱՀԿ-ում Ադրբեջանի մշտական ներկայացուցչության հայտարարության մեջ:
Ադրբեջանական ներկայացուցչությունը հայտարարել է, որ Լապշինի դեմ քրեական գործ է հարուցվել Ադրբեջանի և Բելառուսի միջև երկկողմանի հարաբերությունների հիման վրա:
«Ալեքսանդր Լապշինը մի քանի երկրների քաղաքացի է: Այդ իսկ պատճառով այդ պետությունները հետևում են իրավաբանական ընթացակարգերին և հանդես են գալիս որպես երրորդ կողմ: Հայաստանը ոչ մի առնչություն չունի իրավաբանական այդ հարցի հետո»,-ասվում է հայտարարության մեջ:
Ադրբեջանական կողմը հերթական անգամ արտասահմանցի լրագրողներին և քաղաքացիներին կոչ է արել զերծ մնալ Արցախ այցելություններից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
