«Այս ընտրություններն ավելի թափանցիկ են լինելու, իսկ արդյունքները՝ ոչ վիճահարույց: Չնայած՝ կլինեն քաղաքական ուժեր, որոնք «էն գլխից» տրամադրված են արդյունքները համարել վիճահարույց»,-«Տեսակետ» մամուլի ակումբում այսօր խոսելով ապրիլի 2-ի ԱԺ ընտրությունների մասին, ասաց ԱԺ ՀՀԿ խմբակցության պատգամավոր Մկրտիչ Մինասյանը:
Նա կարծիք հայտնեց նաեւ Վանաձորում «ԵԼՔ» դաշինքի նախընտրական պաստառների պատառոտման դեպքի մասին. «Հիշեք հին ժամանակները, երբ Բրեժնեւի նկարն էին վառում…Այդ դեպքն անընդունելի եմ համարում, բայց ի՞նչ մի բան է, որ… Հասկացանք, անընդունելի է, բայց աշխարհի վերջը չէ, ոչ էլ Պոմպեի վերջին օրը…Այդ փոքրիկ բանն աշխարհի վերջը դարձնելը ճիշտ չէ»:
Անդրադառնալով ընտրակաշառքի մասին ահազանգերին, Մկրտիչ Մինասյանը նշեց. «Շատ եմ ուզում, որ ժողովուրդը չդառնա դրամների գերի: Մի ձայնը կարեւոր է երկրի կառավարման համար»:
Լուիզա ՍՈՒՔԻԱՍՅԱՆ
