Բելառուսի նախագահ Ալեքսանդր Լուկաշենկոն հայտարարել է, որ ռուսական և բելառուսական հարաբերությունների հիմքում չպետք է հաշվապահություն լինի: Այս մասին հաղորդում է BelTa գործակալությունը:
«Մեդվեդևը պետք է հասկանա, որ եթե մենք գազի դիմաց սկսենք վճարել ինչպես Եվրոպայում, ապա նա ևս ստիպված կլինի ինչ-որ բանի համար վճարել: Եվ գինը շատ ավելի բարձր կլինի, քան բնական գազի գինը: Ինձ թվում էր և ես մինչև հիմա կարծում եմ, որ Ռուսաստանի հետ մեր հարաբերությունները հաշվապահություն չի: Հաշվապահությունը և բնական գազի գինը, որը չի պատկանում Մեդվեդևին, չպետք է լինեն մեր հարաբերություններում»,-ասել է Լուկաշենկոն:
Բելառուսի նախագահը միևնույն ժամանակ նշել է, որ իր երկիրը գազի ցածր գնի հույս չունի: Լուկաշենկոն ընդգծել է, որ բելառուսական կողմը Ռուսաստանից ակնկալում է պարտականությունների կատարում:
Հիշեցնենք, որ ավելի վաղ Ռուսաստանի վարչապետ Դմիտրի Մեդվեդևը Եվրասիական տնտեսական միության երկրներին կոչ էր արել զերծ մնալ գազի գնի հետ կապված «վարժանքներից»: Նա նաև նշել էր, որ ԵՏՄ-ին չանդամակցելու դեպքում որոշ երկրներ ռուսական գազ կգնեին եվրոպական գներով:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
