Ադրբեջանի Գաբալայի շրջանում լեզգիներին վտարում են. նման սցենար նախկինում ծավալվել է նաև Ուջարի շրջանում: Ինչպես հաղորդում է ՌԻԱ «Դերբենտ» կայքը, ադրբեջանական իշխանությունները ոչխարաբուծությամբ զբաղվող ագարակատերերից ստիպողաբար վերցնում են արոտավայրերը, որոնց վրա նախատեսում են բամբակ աճեցնել: Տեղեկատվության համաձայն՝ նրանք, ովքեր փորձում են ընդդիմանալ, բռնաճնշումների են ենթարկվում:
Իշխանություններից դժգոհ գյուղի բնակիչները մարտի 6-ին իրենց խնդիրները լուծելու համար դիմել են շրջանի վարչությանը, սակայն իշխանությունները հրաժարվել են երկխոսությունից: Այժմ ագարակատերերը մտադիր են դիմել Բաքվի իշխանություններին:
Ի տարբերություն Ուջարի շրջանի, այստեղ լեզգիները 2009թ. մարդահամարի տվյալներով կազմում են բնակչության 17 տոկոսը, իսկ իրականում՝ կեսը: Գաբալայում լեզգիական բազում բնակավայրեր կան և հողերի բռնազավթման արդյունքում ավելի շատ մարդիկ կտուժեն:
Ինչպես հիշեցնում է կայքը, Ուջարի շրջանում բողոքի ակցիաներ կազմակերպած ագարակատերերն այդպես էլ չկարողացան լուծել իրենց խնդիրները և զրկվեցին իրենց արոտավայրերից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
