Երեկ քաղաքային իշխանությունները, պատգամավորների թեկնածուներն ու կուսակցություն-դաշինքները Երեւանի փողոցներում կանանց ու աղջիկներին ծաղիկներ ու բացիկներ էին բաժանում, կանանց իրավունքների պաշտպանությամբ զբաղվող հասարակական կառույցների ներկայացուցիչներն էլ` բուկլետներ: Առաջինները կանանց տոնը` «Մարտի 8»-ն էին շնորհավորում, հ/կ-ները իգական սեռին կոչ անում տեր կանգնել սեփական իրավունքներին:
Կանանց իրավունքների պաշտպանները համարում են, որ կանանց շրջանում բռնության նկատմամբ բարձր հարմարվողականություն կա, ինչը հանգեցնում է նրան, որ կանանցից շատ քչերն են խոստովանում, որ բռնության են ենթարկվում: Սա էլ իր հերթին նոր բռնություններ է ծնում:
Ըստ ՀՀ ոստիկանության տվյալների՝ 2016-ի առաջին 10 ամիսներին արձանագրվել է ընտանեկան բռնության 563 դեպք: 1959 կին էլ ահազանգել է տարբեր տեսակի բռնության մասին:
Կարդացեք նաև
Լուսանկարները` ԼԱՐԱ ԱՀԱՐՈՆՅԱՆԻ ֆեյսբուքյան էջից եւ Երեւանի քաղաքապետարանի կայքէջից:
«Առավոտ»
09,03.2017
