ԱՄՆ ներկայացուցիչների պալատը հաստատել է Պենտագոնի բյուջեի 2017թ. նախագիծը, որը նախատեսում է արգելել համագործակցությունը «Ռոսօբորոնէքսպորտ»-ի հետ: Այս մասին հաղորդում է RIA Novosti գործակալությունը՝ վկայակոչելով հաստատված փաստաթուղթը:
Բյուջեի նախագիծը, որը նախատեսված է մինչև այս տարվա սեպտեմբերի վերջի համար և նախատեսում է Պենտագոնին հատկացնել 578 միլիարդ դոլար, հավանության է արժանացել 371 կոնգրեսականների կողմից: Նախագծին դեմ է քվեարկել 48 կոնգրեսական:
«Հատկացվող միջոցները չեն կարող պաշտպանության նախարարի կողմից օգտագործվել«Ռոսօբորոնէքսպորտ»-ի հետ պայմանագրեր կնքելու համար»,-ասված է փաստաթղթում:
Նշվում է, որ արգելքը պետք է գործի այնքան ժամանակ, քանի դեռ «Ռոսօբորոնէքսպորտ»- ը չի դադարեցրել թռչող ռազմական սարքերի մատակարարումները Սիրիա և քանի դեռ ռուսական զինված ուժերը գտնվում են Ղրիմում:
Կարդացեք նաև
Փաստաթղթի համաձայն՝ ԱՄՆ պաշտպանության նախարարը կարող է փորձել փոխել կոնգրեսականների կայացրած որոշումը, եթե պետքարտուղարի և Ազգային հետախուզության ղեկավարի հետ խորհրդակցություններից հետո որոշում կայացվի, որ համագործակցությունը բխում է ԱՄՆ-ի շահերից:
Պատրաստեց՝ Վիկտորյա ԱՆԴՐԵԱՍՅԱՆԸ
