Եվրամիությունը մարտի 7-ին հայտարարություն է տարածել Ադրբեջանում բլոգեր Մեհման Հուսեյնովի դատավճռի կապակցությամբ, որում ադրբեջանական իշխանություններին կոչ է անում հարգել ազատ արտահայտվելու իրավունքը և գործել օրենքի շրջանակներում:
«Մեհման Հուսեյնովն Ադրբեջանում հայտնի է կոռուպցիան բացահայտելու իր ջանքերով: Այս ֆոնին նրան երկու տարվա ազատազրկման դատապարտելը ոչ հավասարաչափ է այն մեղադրանքին, որը վերագրվում է նրան: Հուսեյնովի անօրինական ձերբակալության, նրա հանդեպ անմարդկային վերաբերմունքի, դատական գործընթացի ընթացքում խախտումների մասին հաղորդագրությունները լուրջ անհանգստություն են առաջացնում և պետք է անմիջապես հետաքննվեն»,-ասվում է ԵՄ-ի հայտարարության մեջ:
Եվրամիությունը հիշեցնում է, որ Ադրբեջանից ակնկալում է հարգել միջազգային պարտավորվածությունները և հիմնարար ազատությունները:
Պատրաստեց՝ Վիկտորյա ԱՆԴՐԵԱՍՅԱՆԸ
Կարդացեք նաև
