Հայաստանի դահուկավազորդները մասնակցել են Ֆինլանդիայում անցկացված աշխարհի առաջնությանը, որտեղ պատմության մեջ առաջին անգամ հայ մարզիկը տեղ է զբաղեցրել 30 լավագույնների մեջ:
Մարզաձեւի ֆեդերացիայի գլխավոր քարտուղար Գագիկ Սարգսյանը ՀԱՕԿ-ի լրատվականին տեղեկացրել է, որ Սերգեյ Միքայելյանը 30 կմ սկիաթլոնում (15 կմ դասական + 15 կմ ազատ ոճ) պայքարն ավարտել է 29-րդ տեղում: Եվ դա այն դեպքում, երբ մարզիկը գրեթե մեկ մրցաշրջան բաց է թողել վնասվածքի պատճառով: Ավելին, Միքայելյանը առաջին անգամ մասնակցելով 50 կմ ազատ ոճով դահուկավազքին՝ 70 մասնակիցների մեջ եզրագիծը հատել է 41-րդը, ինչը ապագայի լավ հույսեր է ներշնչում:
Գագիկ Սարգսյանը գնահատել է նաեւ մեր մյուս դահուկավազորդների մասնակցությունը: Նա նշել է, որ նրանք կատարել են իրենց առջեւ դրված նվազագույն առաջադրանքը:
ԱՇՈՏ ՀԱԿՈԲՅԱՆ
«Առավոտ»
07,03.2017
