Իրանական նավթի արտահանումը հասել է ռեկորդային մակարդակի՝ օրական 3 միլիոն բարել: Ինչպես հաղորդում է Bloomberg գործակալությունը, երկիրը նման ցուցանիշ չէր գրանցել 1979թ. Իսլամական հեղափոխությունից հետո:
Գործակալության փոխանցմամբ՝ Իրանի ներքին շրջանառությունը չհաշված, ամենաշատ իրանական նավթ մատակարարվել է Չինաստան՝ 105 տանկեր, որին հետևում է Հնդկաստանը՝ 85 տանկեր, Արաբական Միացյալ Էմիրությունները՝ 58 տանկեր:
Նշենք, որ Իրանը զգալիորեն կրճատել էր նավթի արտահանումը՝ կապված միջազգային պատժամիջոցների հետ, որոնք ուղղված էին երկրի նավթային արդյունաբերության դեմ:
Պատրաստեց՝Վիկտորյա ԱՆԴՐԵԱՍՅԱՆԸ
